Cynllun Hepgor FFioedd

Cyn y gellir archebu eich lle ar y cwrs, rhaid i chi gwblhau cais Hepgor Ffioedd ac anfon prawf o'ch cyfeiriad yng Nghymru atom.

Diolch i gefnogaeth ariannol gan Medr trwy'r Cynllun Hepgor Ffioedd, caiff ddysgwyr a siaradwyr Cymraeg sy’n byw yng Nghymru (a sydd ddim yn astudio mewn prifysgol), astudio’r cwrs hwn am ddim.

I ddechrau eich cais, cwblhewch y ffurflen gais Hepgor Ffioedd: Ffurflen Gais Cynllun Hepgor Ffioedd Dysgu Gydol Oes (Blwyddyn Academaidd 2025 - 2026)

Lleoliad: 0.09 Adeilad Milford, Campws Gogerddan 

Dyddiadau: 19eg Mehefin o 10.30yb i 4.30yp

Mae’r cwrs hwn yn cynnig taith gynhwysfawr i chi o amgylch dulliau argraffu ‘monoprint’ ac ‘intaglio’ ac yn eich annog i ddatblygu technegau traddodiadol ac arbrofol.

Course Description

Mae’r cwrs hwn yn cynnig taith gynhwysfawr i chi o amgylch dulliau argraffu ‘monoprint’ ac ‘intaglio’ ac yn eich annog i ddatblygu technegau traddodiadol ac arbrofol.

Byddwn yn arbrofi gyda dulliau torlun leino a cholagraff a fydd yn cael eu hymarfer yn gyntaf mewn du a gwyn a'u datblygu mewn lliw.

Mae’r deunyddiau hanfodol yn cael eu darparu.

Manylion am y tiwtor, Elin Crowley

Gwneuthurwr printiau o Fachynlleth, Canolbarth Cymru yw Elin a arbenigodd mewn Gwneud Printiau ar ei Gradd BA Celfyddyd Gain yn UWIC, Howard Garden (2000-2003). 

Syrthiodd mewn cariad â'r grefft o wneud printiau; y gweisg, yr inciau, aroglau ystafell argraffu, y prosesau a'r technegau niferus y gellir eu dysgu, y broses ac ailadrodd rhywbeth nes i chi greu rhywbeth unigryw.   

Mae gan Elin ddiddordeb mewn darlunio tirweddau anhygoel Cymru, y bryniau, y mynyddoedd, y coed a’r bywyd gwyllt sy’n gwneud y dirwedd hon mor bwysig iddi. Mae hi'n archwilio'r cysylltiad sydd gennym ni â'r tir a sut mae'n ein siapio ni.   

​Yn ddiweddar gorffennodd Elin ei MA mewn Celfyddyd Gain ym Mhrifysgol Aberystwyth a dyfarnwyd Rhagoriaeth iddi.

 

Cyn y gellir archebu eich lle ar y cwrs, rhaid i chi gwblhau cais Hepgor Ffioedd ac anfon prawf o'ch cyfeiriad yng Nghymru atom.