AU Staff

Dull Dysgu: Ar-lein.

Nod y modiwl hwn yw galluogi myfyrwyr i adnabod a datblygu sgiliau craidd sydd eu hangen yn y gweithle, a’r gweithle dwyieithog yn benodol.

Course Description

Nod y modiwl hwn yw galluogi myfyrwyr i adnabod a datblygu sgiliau craidd sydd eu hangen yn y gweithle, a’r gweithle dwyieithog yn benodol. Bydd rhaid i fyfyrwyr gwblhau gweithgareddau sy’n dangos sgiliau cyflogadwyedd craidd, megis gweithdai, gwaith gwirfoddol a hyfforddiant ar-lein, ac ysgrifennu dyddlyfr adfyfyriol (reflective journal) anffurfiol. Mae’r modiwl hwn yn cydnabod sgiliau sy’n gysylltiedig â nodweddion graddedigion Prifysgol Aberystwyth:

- Parod am yrfa
- Datryswyr problemau dadansoddol
- Cymwys yn ddigidol

Bydd y modiwl hefyd yn darparu cefnogaeth i'r rhai llai hyderus eu Cymraeg i gryfhau eu sgiliau dwyieithog i’r gweithle. Mae’r modiwl yn addas i siaradwyr Cymraeg rhugl a dysgwyr Cymraeg sydd wedi cyrraedd lefel CEFR B2 neu’n uwch.

Diolch i gefnogaeth ariannol gan Medr trwy'r Cynllun Hepgor Ffioedd, caiff ddysgwyr a siaradwyr Cymraeg sy’n byw yng Nghymru (a sydd ddim yn astudio mewn prifysgol), astudio’r cwrs hwn am ddim.

I ddechrau eich cais, cwblhewch y ffurflen gais Hepgor Ffioedd: Ffurflen Gais Cynllun Hepgor Ffioedd Dysgu Gydol Oes (Blwyddyn Academaidd 2026 - 2027)